Azərbaycan News Agency

Estoniyanın xarici işlər naziri Marqus Tsahkna Ukrayna ilə Macarıstan arasında azlıqların hüquqlarının qorunması üzrə əldə olunan razılaşma ilə bağlı açıqlama verib.

Tsahkna bildirib ki, bu kompromis Ukraynanın Avropa İttifaqına (Aİ) üzvlük prosesində mühüm bir maneəni aradan qaldırıb və prosesə yeni təkan verib.

Açıqlamada həm Ukraynanın, həm də Moldovanın Aİ üzvlüyü məqsədlərinə sadiq qaldığı vurğulanıb, eyni zamanda Avropa İttifaqının da genişlənmə prosesində öz məsuliyyətini üzərinə götürməli olduğu qeyd edilib.

Tsahkna əlavə edib: "Hər iki ölkə Aİ üzvlüyü üçün tələb olunan islahatlara sadiqliyini nümayiş etdirib. İndi növbə Aİ-dədir ki, bu sadiqliyi cavabsız qoymasın. Genişlənmə yalnız namizəd ölkələrin gələcəyi ilə bağlı deyil; bu, həm də bütün qitəmizin təhlükəsizliyi, sabitliyi və rifahına yatırılan sərmayədir."